Vonde blomar

Vonde blomar handlar om kjærleik, død og opprør og inneheld rare og morosame noveller som tek deg med til Gunnhild Øyehaug sitt absurde og urealistiske univers. Kva skal du gjere når du plukkar blomar som er vonde og gjer at du ramlar i trappa? Eller kva skal du seie i opningstalen din når det nye museet har sokke i jorda? Og kva skal du gjere når alt du tek i blir til slimål? Den eine novella kan godt kommentere den førre. «Vi vil med dette levere ein skriftleg protest på den førre teksten. Vi vil protestere mot at det endar med at den gamle dama er tørst og ligg og ventar…» Gunnhild Øyehaug skriv lett og leikent.