Anbefaling
Opplys deg sjølv om eit svært viktig tema der vi alle har eit ansvar.
Forfattaren av denne boka har norsk mor og afrikansk far, og er oppvaksen i Sandefjord. Ho har blitt utsett for rasisme heile livet. Frå ho som barn blei slått av ein framand for å bere bunad, til ho som ungdom blir utsett for vald og nesten slept etter ein bil på fest, og som vaksen opplever så mange døme på kvardagsrasisme at ho sluttar å nemne dei for venene sine, elles ville dei ikkje kunne snakka om anna. Boka er lita i formatet, og på knappe hundre sider, men gjer eit stort inntrykk. Bruk ein kveld til å opplyse deg sjølv om eit svært viktig tema der vi alle har eit ansvar.
June Røys Hauge
Sandefjord bibliotek
Om boken
Camara Lundestad Joof, oppvaksen i Sandefjord, er skeiv og halvt Gambisk. Andre folks meiningar om disse delane av Joofs identitet, pregar kvardagen og livet hennar. I dette langessayet utforskar ho kva det vil seie å leve som ein dobbel minoritet i sitt eiga land. I litterære vendingar drøftar ho blindpunkt hos sjølverklæra «fargeblinde» nordmenn, kva hudfargen har hatt å seie for kven ho i dag har blitt, om det framleis finnast ein del av henne som er uberøyrt av rasisme, og opplevinga av å møte rasisme så ofte, at ho ikkje kan fortelje venene sine om alle hendingar, fordi det vil bety at dei aldri vil hinne å tale om andre ting ilag. Boka er ein del av serien Norsk røyndom. Omtalen er utarbeidd av BS.